AGENCIES:Pakistan para aro bi ekbar Chinese-origin popular video sharing platform TikTok toh bondh kurishe etu bi thik nathaka content thaka nimete platform te aro tai khan enika content girabole napara nimete ase.etu khobor toh Pakistan Telecommunications Authority para Wednesday din te koikena janaishe etu bondh huwa toh Prevention of Electronic Crimes Act 2016 laga alag alag provision bithor te.etu toh char bar wala ase etu app toh desh te bondh hoijaa toh.dusra bans khan toh revised kurishe etu app toh wadaa kura pichede content toh bodli kuribole nimete.
October 2020 te etu app toh akhe bar bondh kurishe Pakistan te etu bi authorities khan para complaints paa pichede indecent and immoral content nimete.etu ban toh 10 din bithor te uthaidishe etu bi tiktok para kuwa pichede etu thik nathaka content te actions khan lobole nimete.
Peshawar high court para tiktok te ban kurishe march moina te etu toh april moina te uthaishe.june te sindh high court para telecommunication authority ke koikena janaishe tiktok ke ban kuribole nimete kile koile toh etu parfa immortality aro obscenity toh pheli thaka nimete.etu order toh tin din pichede hataidishe.
TikTok toh sob manu janaa app ase Pakistan te etu bi anti-TikTok sentiment toh kara thakikena.etu app kuntu toh india te bondh thaka toh 39 millions bar nishena download kurisb Pakistan te.
Etu ban order singh high court para diya toh petition laga jawab thakishe Punjab province te thaka manu para diya toh kun para koikena janaishe tiktok toh crime promote kurishe etu te manu khan haathyar aro dawoi khan chulai thaka dikhaishe videos te.
January and March majhotte tiktok para komti hoilebi 6,495,992 videos hataidishe etu ke second market thakishe bishi wala videos hata toh etu bi USA pichede kuntu te 8,540,088 videos khan hataidishe.etu khobor toh tiktok para koikena janaidiya thakishe.
Pakistan-made videos bi bondh kurishe.etu khobor toh spokesperson para dawn ke koikena janaidiya thakishe.
