AGENCIES:India khan laga bhabona ekta table tennis medal jitibole nimete mixed doubles te harijaishe hoilebi Manika Batra and Sutirtha Mukherjee toh bhal shuruwat kurishe womens singles campaign Tokyo Olympics Saturday din te.
Etu India’s table tennis campaign laga shuruwat te bhal thakanai etu te Sharath Kamal and Manika toh third seeds Lin Yun-Ju and Cheng I-Ching Chinese Taipei mixed doubles round of 16 te 0-4 para haraa thakishe.
Hoilebi world number 62 Manika toh wapas ahise 94th-ranked Tin-Tin Ho Britain 4-0 singles opener te haraidibole nimete aro 98th-ranked Sutirtha toh bhal kurishe tai laga Olympic debut te etu bi wapas ahikena 78th-ranked Linda Bergstrom Sweden ke 4-3 para haraidishe.
Mukherjee toh Portugal’s Fu Yu second round te khelibo aro manika toh Ukrain’s Margaryta Pesotska, ranked 32 thaka logote khelibo.
Mukherjee toh bhal khelishe tai laga Swedish opponent ke harabole nimete etu bi 1-3 para pichede thakishe best of seven affair te.tai toh 5-11, 11-9, 11-13, 9-11, 11-3, 11-9, 11-5 para jitishe.
Former player and India great Kamlesh Mehta toh ke jiota toh etu Sutirtha’s jita toh bishi bhal thakishe tai practice kura toh defensive khelari logote.
Olop akhe mixed doubles te sharath aro manika toh chances bonaishe etiya Chinese Taipei laga opponent logote hoilebi tai khan kuribole paranai 5-1 lead kurikena aro 5-3 thakikena first duita games te.
Khotom huwa tew etyu toh Lin aro cheng nimete 11-8 11-6 11-5 11-4 para jita thakishe.sharath aro manika toh practiced kurishe milikena tin din akhe te national camp te Tokyo laga flight naloa akhe te.
Qualifying event te bhal kurikena etu Asian Games bronze medallists para bhabona uthaishe Olympics laga historic medal nimete.
Add Comment