AGENCIES: Germany khan bhabona kuri ase vulnerable manu khan ke COVID-19 vaccine booster September moina te dibole nimete.etu khobor toh health ministry para Thursday din te koikena janaidiya thakise.etu bi ekta World Health Organisation appeal te mondikena etu third doses toh nachulabole nimete kuntu te dukhia desh khan vaccine namarikena ase.
Ministry para koikena janaishe “booster vaccine lobole nimete huwa toh September moina te etu bi sabole ase ki etu manu kun khan risk te ase bachabole nimete.”
Risk groups te immunocompromised patients, aro bura manu aro nursing home te thaka khan ase.
World Health Organization’s head Tedros Adhanom Ghebreyesus ke Wednesday din te matishe ekta covid19 vaccine booster toh rukhabole nimete September moina khotom nohoa tak aro koikena janaishe etu toh poisa desh khan namanikena ase etu global vaccine supply toh chulabole nimete.
Germany para etu bodnam kura toh mananai aro koikena janaishe etu toh 30 million vaccine doses khan dibole nimete kuntu te vaccination ekta bi nohoikena thaka toh etia tak.
Ministry para koikena janaidiya thakishe”ami khan para germany laga manu khan ke precautionary third vaccination dibole nimete aro etu eki samay te duniya laga manu khan ke vaccination dibole nimete.
Germany para etia tak komti hoilebi one dose covid19 vaccine toh 62 percent population ke dishe etu te komti hoilebi 54 percent toh pura puri vaccine marishe.
Add Comment