Meghalaya aro Assam border te melikena thakiboli koishe

August 5, 2021. Assam chief minister Himanta Biswa Sarma para koishe ke Assam aro Meghalaya majot te puila para border jamila thaka toh kotom koriboli lage, etu nemite ek jun-ek jun majot te policy bonaboli lage koikena janaishe. Assam CM Himanta Biswa Sarma para etu statement toh Shillong te janaishe. CM Sarma para aro koishe ke, tai aro Meghalaya chief minister Conrad Sangma melikena inter-state border jaga te jamila thaka toh visit koriboli koishe. “tuita(2) state para be give & take hoboli lahe. Ami aro Meghalaya CM para jaikena border jaga toh visit koribo,” koikena Assam chief minister Himanta Biswa Sarma para janaishe. Aetu oper te Assam chief minister Himanta Biswa Sarma aro Meghalaya counterpart Conrad Sangma bohikena boundary laga kotha toh July 23 darik te kotha koishe. Etu meeting te Meghalaya aro Assam para inter-state boundary jamila toh “status quo” te rakiboli janaishe. “tuita(2) states pithor te melikena status quo toh jaga sob te jolaboli lage aro etu oper te jamila jaga toh joldi te fesla koribo,” koikena Assam chief minister para janaishe. “Assam aro Meghalaya majot te kotha kora toh Central government be kushi ase aro jamila toh joldi te kotom koribo,” koikena Meghalaya CM Conrad Sangma para janaishe.