Assam te Covid-19 nemite tea industry halat beya

GUWAHATI: Assam te covid bemar nemite cost of production (CoP) toh besi neji te kerikena ase aro etu oper te covid halat nemite crop production toh be komti hoikena ase, koikena North Eastern Tea Association (NETA) para khobor toh janaishe. NETA laga khobor hesab te 2021 saal te Assam laga total tea production toh  January moina para loikena June moina dak te 41 million kg komti hoishe aro etu 2019 saal logot 19 per cent komti wala ase.  NETA adviser Bidyananda Barkakoty para koishe ke, ekta side te daam toh Rs 44.19 per kg para komti hoikena jowa saal logot 18 per cent para komti ase, etu oper te labourers aro saman te CoP othishe koishe. Tai para aro koishe ke, Tea laga CoP toh Rs 25 per kg te othishe aro daily wages toh Rs 167 para Rs 205 te othishe keli koile saman neshina  pesticides, diesel, natural gas, coal, transportation te daam otha nemite ase aro itya dak industry te tea laga net negative toh Rs 76 per kg ase koikena Barkakoty para janaishe. NETA Chairman Sunil Jallan para koishe ke, CTC (crush, tear, curl) laga average price toh Guwahati Tea Auction Centre (GTAC) te etu saal April para July moina dak te Rs 208.02 per kg hoishe, hoilebi etu samai jowa saal toh Rs 252.21 per kg thakishe. “etu nemite etu saal average price realisation toh Rs 44.19 per kg para komti wala ase aro kali 9 per cent tea toh Rs 300 per kg oper te ase aro 51 per cent tea toh Rs 200 per kg neji te bekai ase,” koikena Jallan para media logot janaishe. NETA leaders para koishe ke, state government para parai dak tea industry logot motob kori ase aro Assam Tea Industries Special Incentive Scheme (ATISIS – 2020)’ scheme toh olop din akhe te junaikena ase. Green leaf cess exemption te tin(3) saal January 1, 2019 para  loikena aha te tea industry logot motob kori ase. Hoile tea te daam naotha dak industry aro small tea te kam kori thaka khan besi duhk hobo koishe. Assam te 10 lakh tea workers neshina khan para organised sector 850 big estates te kam kori ase, etu oper te 3 lakh neshina nejor para sai ase koishe.