August 8, 2021. China para Arunachal Pradesh laga youths ke Chinese People’s Liberation Army (PLA) te recruit hoboli kujus kori ase, koikena former Congress MP Ninong Ering para etu khobor toh janaishe. “itya dak te ami khan logot khobor powa toh, Chinese PLA para Tibet aro Arunachal laga youths ke recruit koriboli kujus kori ase. Etu khobor toh hoile bapana besi tangor ase etu nemite Union defence ministry aro home para serious loboli laki,” koikena former Lok Sabha MP para koishe. Ering para aro janaishe ke, Nishi, Adi, Mishimi, Idu communities laga manuh kaun khan China border te bohi ase etu manuh khan toh China laga Lhoba community logot melikena ase. “Lhoba community aro Arunachal Pradesh manuh kaun khan border osor te bohi ase tai khan laga kotha toh be eke neshina koi. Hoilebi, etu manuh khan para Chinese PLA te join koriboli toh kam nai,” tai para aro janaishe. Congress leader para koishe ke, etu manuh khan para Bisa te ghor bona nemite nahoile Gehling aro Anini jaga te rasta bona nemite Arunachal Pradesh border osor manuh khan ke China para influenced koriboli naparibo.
“ami defence ministry logot kuboli mon thaka toh etu kotha toh besi serious ase etu nemite joldi para Arunachali youths ke dosura forces te kam thikena ami khan laga border toh pajabi,” koikena former MP para koishe.
Add Comment