New Delhi te Assam CM aro PM Modi lok korishe

GUWAHATI: Monday din New Delhi te Assam chief minister Himanta Biswa Sarma para Prime Minister Narendra Modi lok korishe. Assam CM Himanta Biswa Sarma aro PM Modi toh New Delhi, Parliament House para lok korishe, koikena khobor para janaishe. Assam chief minister para National Capital ahikena Prime Minister ke lok kora toh hoile Assam aro Mizoram ministers pithor te inter-state border jamila nemite joint statement sign kora beche ase. CM Sarma para union home minister Amit Shah logot be lok paishe koishe. Assam CM Himanta Biswa Sarma aro union home minister Amit Shah pithor te Assam & Mizoram majot te inter-state border thaka nemite besi deri kotha koishe. Assam aro Mizoram governments para joint statement te koishe ke, inter-state border jaga te shanty thakiboli fesla korishe. Etu tuita(2) states para tai khan laga forest & police forces toh patrolling, domination, enforcement nahoile notun sepai jamila jaga te para hataboli fesla korishe. July 26 darik Assam Cachar district, Lailapur  jaga te tuita(2) states majot te larai kora samai 6 jun police aro civilian ek jun morishe.