China pora Pakistan logode 48 military drones bekhabo

Beijing, 09 October: Tuesday deh official media pora khobor janaideya hesab deh, China pora Pakistan logode 48 high-end military drones bekhabole ase. Pakistan logode drones bekhabole kora toh sobse dangor wala deal hobole ase. Etu deal laga daam toh keman hobole ase na-jani kena ase. Chengdu Aircraft Industrial (Group) Company pora Wing Loong II, high-end reconnaissance, strike aro alag-alag Unmanned aircraft system bona ase. China khan Pakistan logode military drones bekhabole kotha ola toh India khan Russia laga S-400 sophisticated missile defence systems kenibole kora bechide ase. Etu deal toh jowah hapta New Delhi deh Russian President Vladimir ahha time deh thakise. Global Times report  pora janaideya hesab deh, Sunday din official Facebook account deh Pakistan Air Force’s Sherdils Aerobatic Team pora China laga drones kenibole deal korise koi kena khobor janaideya thakise. Hoilebe deal de keman daam ase nahoile Wing Loong IIs pora drone deya ketya suru hobo najani kena ase. Reports deh air force academy aerobatics team pora janaideya toh, ahhibole din time deh Pakistan Aeronautical Complex Kamra aro China’s Chengdu Aircraft Industrial (Group) Company laga Aviation Industry Corporation logode melikena drone bonabole ase. Chengdu Aircraft Industrial Group pora deal toh ketya pongjibole ase kowah nai. State-run Xinhua news agency pora janaideya hesab deh, jowah sal February deh Wing Loong II pora flight bonaise. Jowah sal December deh Xinhua pora janaidee kena thaga toh Wing Loong II UAS logode Chinese UAVs laga order besi ahha thakise koise. Hoilebe report deh kena manu laga naam toh najanaideya thakise.