India aro Philippines para South China Sea te Naval Drills loishe

New Delhi: Monday din India para Philippines logot melikena South China Sea te naval exercise thakishe. 5 din akhe te he etu neshina drill toh Vietnam logot thakishe. Etu samai Indian Navy para  guided missile destroyer INS Ranvijay aro guided missile corvette INS Kora koikena ahishe aro Philippine Navy toh frigate BRP Antonio Luna para represented korishe, koikena officials para janaishe. Philippines government para South China Sea laga eastern parts te exercise korishe. Indian and Vietnamese navies para August 18 darik te naval exercise toh South China Sea te exercise korishe. “Indian Navy laga tuita(2) ships, INS Ranvijay aro INS Kora para maritime partnership exercise toh Philippine Navy laga BRP Antonio Luna logot melikena Monday din West Philippine Sea te samil thakishe,” koikena Indian Navy Spokesperson Commander Vivek Madhwal para etu laga khobor toh janaishe. “exercise kora samai joint evolutions toh alag-alag operational maneuvers aro ships participate hoikena tuita(2) navies para sea te kushi aro mon shanty te operation loishe,” tai para aro koishe. China para South China Sea sob te sovereignty mangki ase, hoilebi ASEAN member countries aro Vietnam, Philippines aro Brunei countries para kelaaf kori ase. “tuita(2) navies para maritime domain te bilateral collaboration toh masbot korikena stable, peaceful aro prosperous Indo-Pacific te thakibo,” koikena Indian Navy spokesperson para janaishe. Etu tuita(2) Indian naval ships toh itya Western Pacific te partner nations logot maritime security collaboration koriboli koishe. “BRP Antonio Luna logot kotha korikena Indian Navy aro Philippine Navy majot te melikena thakibo,” koikena Commander Madhwal para koishe. India aro Philippines majot te defence aro security cooperation toh olop saal akhe para besi  bhal te jai ase koikena janaishe.