Covid-19 vaccine slots toh WhatsApp te booked koriboli parebo

New Delhi: India te etu saal pithor te manuh sob logot vaccine thiboli kora te, government para aji botun facility bonaikena vaccine slots toh WhatsApp para book koriboli olaishe. “notun duniyaa te manuh laga bhal nemite, itya COVID-19 vaccine slots toh phone te para ek minutes pithor te book koriboli paribo,” koikena Health Minister Mansukh Mandaviya para aji pujur etu notun khobor toh junaishe. “Send ‘Book Slot’ to MyGovIndia Corona Helpdesk on WhatsApp aro OTP Verify koribe,” koikena tai para link logot lekina janaishe. Etu steps manikena details toh CoWIN, government portal link te vaccine dose toh paijabo koishe. Dosura kamyaab ekta te government para etu moina olop din akhe te vaccination certificate toh WhatsApp te paijaboli facility junaishe. Etu para vaccination proof toh CoWIN platform tea ram para pajabo loishe. “manuh kam asani hoboli nemite itya COVID19 vaccination certificate toh MyGov Corona Helpdesk te tinta(3) easy steps ase. Contact number: +91 9013151515 save korikena WhatsApp te ‘covid certificate’ type korikena OPT thakiboli janaishe aro certificate toh second samai te pabo,” koikena Health Minister’s office para janaishe. Itya dak India te 58.8 crore vaccine doses thikena ase. Government laga aim toh 108 crore manuh ke etu saal pithor dak te thiboli bapana te ase. Jowa hafta drug regulator khan para Zydus Cadila tinta(3) dose COVID-19 DNA vaccine toh jawan manuh aro 12 umer para loikena oper logot emergency samai jolaboli manishe. Etu vaccine toh India te 6 wala vaccine manikena ase. Sharvil Patel, Managing Director Cadila Healthcare para koishe ke company para December aro January moina dak te 3-5 crore doses bonaboli ase koishe, etu nemite company para October moina te 1 crore doses olaboli ase koishe.