Bengal: 1 din te 5 Lakh vaccine loishe, 1 crore full vaccine loikena ase

New Delhi: Bengal te tuita(2) Covid vaccine te tangor kamyaab paishe. Monday din state te 5 lakh vaccine doses thishe, etu ek din pithor laga sobse besi vaccine deya ase aro etu melaikena full vaccine toh state te 1 crore oper thikena ase koishe. Record ase ke, 5,02,183 vaccine doses toh Monday din te thishe aro 1,01,22,140 manuh para tuita(2) doses toh loikena ase, koikena officials data para janaishe. State te festivals samai osor te pongchi thaka te aro sobse tangor festivals- Durga Puja samai, Bengal para Kolkata te tangor ghor complexes neshina te mandatory korikena puja organize kora te priests, dhaakis (drummers) aro manuh kaun khan etu October moina te 4 din festival samai vaccine toh compulsory loikena thakiboli lage, koikena news agency PTI para khobor toh janaishe. Monday din State te 510 coronavirus cases powa khobor thakishe aro etu bemar para 7 jun mora khobor be paishe. Bengal te sob melaikena coronavirus cases tally toh itya at 15,43,496 te ase aro 18,371 manuh morikena ase. Itya dak te 15,15,789 bemar manuh toh bhal hoikena discharged hoishe aro active case toh 9,336 te lamikena ase koishe.