Maharashtra te 27 Delta plus variant Covid thurishe

Mumbai: BrihanMumbai Municipal Corporation (BMC) para janaishe ke, Maharashtra te 128 manuh ke Delta Plus variant thurishe aro etu oper Alpha, Kappa, aro dosura COVID-19 strains be thurishe koishe. Etu khobor toh BMC’s Kasturba Hospital te first batch188 samples tests lowa te thura ase koishe. Aro 128 bemari manuh logot Delta Plus thurishe, tui(2) jun toh Alpha types, 24 jun toh Kappa types aro baki dosura toh Covid-19 virus bemar thakishe koishe. Etu tests toh etu moina olop din akhe Chief Minister Uddhav Thackeray para inaugurated kora Kasturba Hospital, state-of-the-art Next-Generation Genome Sequencing Lab te test kora ase koishe. August 16 darik dak te State te sob melaikena 76 Delta Plus cases thurihe aro 5 jun morishe, etu oper te tui(2) jun toh Ratnagiri para ase aro Mumbai, Raigad, aro Beed para ek jun morishe, mora manuh sob toh senior citizens thakishe koishe. Besi hoshari kam kora te state Health Department para bemar toh close contacts te pesarishe, etu oper te travel history, vaccination status, recent medical status aro dosura bemar details toh saishe, koikena officals para janaishe. Puila laga khobor nemite, BMC para manuh khan logot Covid-19 hokom toh besi strict para jolaikena face-masks, physical distancing,sanitizers, aro hygiene thakiboli janaishe.