Chhattisgarh’s Sukma te larai samai tuita(2) Maoists morishe

Sukma (Chhattisgarh): Tuesday din Chhattisgarh laga Sukma jaga te security forces logot larai kora samai komti hoilebe tuita(2) Maoists ke goole para mari-thishe koikena khobor para janaishe. Etu larai kora jaga para bantok aro goole besi paishe. ANI logot kotha kora samai, senior police officer Sunil Sharma para koishe ke, “Gompad, Sukma district jungke pithor te para Maoists aro security forces majot te mara-mari korishe. “tuita(2) Maoists laga body paishe aro etu oper te arms/ammunition/explosive aro Maoists laga saman dosura besi othaishe. Etu samai pulai jowa Maoists ek jun ke larai howa jaga te pesari thakishe,”koikena tai para aro janaishe. Primary identification hesab te mora pithor te ek jun toh Kawasi Hunga, Konta Area LoS commander (ACM rank) hoboli neshina ase koikena khobor para aro janaishe. Etu samai dosura khobor roki thakishe koishe.