Bulgarian journalist ke moraideya manu suspect pora arrest hoise

Agencies, 10 October: Bulgaria deh officials pora kowah toh, investigative journalist logode rape kori kena moraideya manu ke suspect pora Germany de arrest korise. Bulgaria’s prosecutor general, Sotir Tsatsarov pora Bulgarian citizen , Severin Krasimirov logode arrest kora khobor janaise. Hoilebe turasa khobor toh eku janaideya nai.  Interior Minister Mladen Marinov pora Viktoria Marinova laga kapora aro body pora DNA saboot paise koise. Etu maike toh Saturday Ruse laga north town deh rape hoikena moraideya ase. Wednesday deh Marinov pora janaideya hesab deh, murder logode physical saboot ase koise. Tai pora Krasimirov logode scrap metal theft laga crime record ase koise. Minister pora kowah toh investigators khan Marinova’s laga khor manu aro sathi logode kotha  korise aro tai laga kaam deh eku link na-thaga paise.