Indian passengers ke Turkey para notun travel hokom janaishe

New Delhi: India para Turkey travel kora manu nemite RT-PCR test 72 gonda pithor laga negative COVID-19 report toh lakibo, koikena Delhi te Turkish Embassy para khobor toh janaishe. Etu hokom toh passengers kaun India te 14 din bohi thakina Turkey jowa samai te be lakibo. India para Turkey travelers nemite notun hokom ekta te embassy para koishe ke, etu neum toh September 4 darik para soruh hobo aro passengers khan ke tuita(2) doses (single dose for Johnson & Johnson) vaccine emergency nemite World Health Organization aro Turkey para approved hoikena thaka toh 14 din pithor te loikena thakai manuh nemite mandatory quarantine thakiboli nalaki koishe. Passengers kaun para etu certificate thikaboli naparibo, tai khan toh nejor ghor te nahoile address hessab te  quarantined koribo, koikena statement te janaishe. Quarantine laga 10 din wala te, etu manu khan PCR test lobo aro jodi result toh negative hoile, quarantine para olabo, koikena notun neum hesab te janaishe. Aro jodi PCR test result toh positive test hoile, country’s Ministry of Health laga COVID-19 guidelines hesab te elaj koribo. Kaun manuh 10 din wala laga PCR test nathakibo, tai khan toh aro 14 din nemite extended koribo, statement para aro janaishe. Etu neum toh transit nahoile transfer passengers nemite applicable nai koikena embassy para aro janaishe. Crew manu nemite PCR aro quarantine nathakibo. Passengers kaun 12 umer neje ase tai khan nemite PCR test exempted ase aro vaccine certificate thikaboli lage, koikena statement te aro janaishe.