Haryana bosti ekta te 10 din pithor 8 bacha morishe

Chandigarh: Firozabad te Central team ke fever aro dengue bemari para bacha mori thaka nemite investigate koriboli putaishe, etu oper te konuba scrub typhus aro leptospirosis be ase, koikena Monday din Ministry of Health aro Family Welfare para khobor toh janaishe. UP chief secretary ke letter te, Union Health Secretary Rajesh Bhushan para koishe ke, Central team para loikena National Center for Disease Control (NCDC) aro National Vector Borne Disease Control Programme (NVBDCP) laga officials para janishe ke, “bemari cases besi wala toh Dengue cases ase aro etu oper te konuba toh Scrub Typhus aro Leptospirosis cases” ase. Central Team para detail khobor toh saikena, Bhushan para letter te UP government logot Dengue Malaria, Scrub Typhus aro Leptospirosis bemari manuh sob ke screen loboli janishe. Tai para aro janishe ke, ELISA (enzyme-linked immunosorbent assay) based testing facilities toh bhal para jolaboli koishe. “fever survey, vector control aro fever camps toh maniboli koishe aro Central Team para micro plan submitted kora toh manikena kam koriboli janaishe. Hoshari kam toh tangor korikena district te IHIP toh CSU IDSP, NCDC logot melikena kam koriboli koishe.  Entomological kam toh tangor hoikena NVBDCP laga SOPs standard guidelines toh besi bhal para maniboli lage,” koikena Bhushan para letter te janishe. Union Health Secretary para aro state ke janishe ke District Hospital Firozabad aro osor districts te isolation beds & admission facilities raliboli koishe. “PHC te doctors aro CHC aro district Hospital cum medical college Firozabad te aro osor districts te management of Dengue, Scrub Typhus aro Leptospirosis nemite short reorientation organize koriboli koishe. KGMU para bemari nemite Services of experts neshina aro dosura institutions toh etu kam te jolaboli kosieh. IEC activities toh District administration para saikena rokiboli janaishe,” koikena letter te koishe. Letter te aro kowa toh NCDC para district te tuita(2) EIS officers toh 14 din nemite rakibo aro tai khan para district te bemari ola samai kam korikena jaboli koishe.