Bengal hospital te fever para 3 jun bacha morishe aro 60 bemar

Malda, West Bengal: West Bengal Malda Medical College & Hospital te tin(3) jun bacha morishe aro dosura 60 jun neshina symptoms of fever aro respiratory problems para admitted hoikena ase koishe. Medical authorities hesab te aro 200 bacha toh hospital te elaj kori ase. Bacha besi wala toh district te alag-alag jaga para admitted hoikena ase. Etu bacha khan toh cough, cold and respiratory problems para bemar hoikena ase. Dr Partha Pratim Mukherjee, Principal, Malda Medical College & Hospital para janaishe ke, “ami khan para special doctors team ekta bonaikena bacha ke elaj kori ase aro tai khan ke halat hesab te sabo. Itya dak te bacha laga halat toh normal te ase aro control ase.” 50-60 bacha toh cough, cold and respiratory problems nemite admitted hoikena ase aro etu season te bemar toh besi common ase,” koikena Mr Mukherjee para koishe. Tai para aro koishe ke, “ami khan para bemar toh janibo nemite swab aro blood samples loi ase. Pediatric department laga head aro dosura doctors logot kotha koribo nemite emergency level meeting ekta thakiboli ase. Jowa kali rathi tui(2) bacha morishe aro dosura ek jun mora khobor be paishe, hoilebi etu wala toh confirmed hoboli ase”. Mora jowa laga ghor manuh ek jun Archana Majhi para koishe ke, “hospital te doctors nemite besi tangor bapana ase. Etu bacha toh high fever aro respiratory problems thakishe, hoilebi doctors khan para bhal kori visit kora nai, tai khan laga negligence nemite bacha toh morishe”.