Tripura te poll agae gondogol, 19 jun jokhom paise

Agencies, 19 November: Teliamura, Tripura’s Khowai district te BJP aro TMC majote gondogol ola para komti hoilebe 19 manu jokhom paise.

Hatsa bechite area te CrPC laga Section 144 toh jolaise.

State te civil body polls agae te gondogol ola para tuita police personnel be jokhom powa khan majote thakise. Thursday adha rati te official statement deya te koise, “Aji order deya te, Teliamura Sub Divisional Magistrate Md Sajjad P para Teliamura Municipal Council laga 13, 14 aro 15 ward areas te section 144 imposed korise. Etu toh peace, law aro order maintain koribole nemite. Order toh November 24 tak joli thakibo”.

Assistant Inspector General of police (Law and Order) Subrata Chakraborty  koise, Dekthari ola toh Wednesday te 9.30 pm nesana te suru howa thakise Kalitila area te. Kelay koile TMC workers toh demonstration loi thaka aro ekta BJP office osor ponja nemite.

Tai para be tuita supporters toh face to face lok korise aro chamela hoise.

Chakraborty para koise, police para tuita groups te dhanda koribole kosish korise hoilebe situation te control koribole nemite mild force aro tear gas shells jolabole olaise.

Sob melikena 19 jun jokhom powa te tuita police personnel be melikena thakise.

Hatsa te melikena Teliamura police station te tinta cases registered korise.

Tuita case toh jokhom powa para ekta hospital te admit kora TMC worker Anirban Sarkar laga baba para file kora thakise.

Ekta alak case toh police para registered kora thakise.

Five manu te Sarkar be melikena arrest korise.

Jarjun ke ekta court agae te anna thakise aro tai khan ke November 30 tak judicial custody nemite remand korise.

Sarkar toh court agae anibole napara thakise kelay koile tai hospital te thaka nemite.

Senior TMC leader Sushmita Dev para botnaam korise apex court para November 25 te free aro fair polls ensure koribole nemite adesh deya bechite tai party laga candidates aro activities ke hamla korise koise.

Civil body polls toh November 25 te lobole ase. State te sob melikena 20 civic bodies laga te ruling BJP para seven uncontested jetishe.