Nagaland minister Konyak aro Jyotiraditya Scindia lok korise

Kohima, 19 November: Thursday, 18^th November 2021 te Nagaland minister for transport, civil aviation & land resources, P Paiwang Konyak toh Ciethu Greenfield Airport opor te kotha koribole nemite Union aviation minister Jyotiraditya Scindia ke lok korise

Ciethu Greenfield Airport toh Kohima para 20 km dur te ase.

Nagaland minister para tai khan kotha kora te Doyang water reservoir te water aerodrome project opor te be kotha korise koise.

Union aviation minister opor te lok kora khobor janai kena Nagaland minister Konyak para Union Minister logote Kohima Nagaland Ciethu Greenfield Airport aro Doyang Reservoir  te through RCS ( UDAN) & Small Airstrip  para Water Aerodrome/ Sea Plane opor te kotha korise koise.

Media khobor Paiwang para janaideya te Union minister Scindia para Nagaland te joldi projects lobole nemite manishe koise.

Nagaland government para be Ciethu te 1013.72 acres laga mathi kena be kenikena thaka opor te janaishe.

Mathi toh Airport Authority of India (AAI) te de-debole daiyar te ase koise.

Khobor te koise, civil aviation ministry para ekta DPR daiyar nemite M/s Creative Group hire korise.

Ceithu airport toh 2003 te plan kora thakise. Etu toh Kohima te former Prime Minister Atal Behari Vajpayee lok kora samai te.