Agencies, 22 November: Moon laga top layer pathor te Regolith para jani aro etu te besi oxygen thaka para Mathi/Earth laga 8 billion manu khan 100,000 years nesana jinda thakibole paribo. Etu toh St. Louis te Washington University laga ekta meteorite information report hisab te ase. Report te koise, jolabole jolabole pariya oxygen toh Regolith para extract koribole paribo aro etu toh manu jevaan te support koribole jolabole paribo. Report te koise, judi scientists para Moon laga surface para jolabole oxygen ola ekta sustainable method jani paise koile lunar surface Regolith laga top 10 meters para Mathi laga sob 8 billion manu nemite besi oxygen debo koise.
Moon laga top layer te besi oxygen ase 8 billion manu khan nemite
Moon te atmosphere ase aro etu toh ektum thin ase aro besi phak hydrogen, argon aro neon melikena ase. Minerals te – iron, aluminum, silica aro meganesium oxides para Moon laga landscape bonai. Etu sob minerals te oxygen ase hoilebe ami khan laga lungs para jolabole paribole gaseous form te nai koise. Moon laga surface para oxygen toh gaseous form te nadi koise hoilebe etu toh Moon laga top layer Regolith kowa pithor te pashikena/trapped ase koise.
Moon laga Regolith para kenaka oxygen olabo?
Regolith toh 45 percent nesana oxygen para bonai. Etu oxygen olabole nemite electrolysis laga process laki koise. Mathi/Earth te electrolysis process toh aluminum olabole nemite manufacturing sector te jolai koise. Process samai te electric current toh aluminum oxide laga liquid form te passed kori aro through electrodes para aluminum toh oxygen para alak koridae koise.
Mathi te, electrolysis process para oxygen toh ekta pyprodct hisab te olai koise. Hoilebe ketiya Moon te conduct kori etu eki electrolysis process para oxygen toh main product hisab te olabo koise aro tusara metal nahoile aluminum toh jolabole thek howa byproducts hobo pari koise.
Moon laga Regolith para oxygen olabole process te be substantial industrial equipment laki koise. Ekta para first solid metal oxide toh liquid form te putli koribo laki koise aro etu toh heat nahoile heat te solvents nahoile electrolytes melikena. Etu technology toh Mathi/Earth te ase hoilebe Moon te etu technology jola te besi resoureces lakibo koise.
Poila 2021 te, ekta Belgium-based startup Space Applications Services para tai khan tinta experimental reactors bonabole process te ase koikena janaideya thakise. Etu toh oxygen olabole nemite electrolysis process bonabo nemite thakise.Tai khan toh Moon te 2025 para European Space Agency laga in-situ resource utilization (ISRU) mission laga part hisab te technology pothabole bhabona ase.
Add Comment