Odisha te 53 school students Covid positive paishe

November 25, 2021: Odisha’s Sundargarh district te komti hoilebi 53 maiki students logot Covid-19 positive thurishe. Etu samai state laga government medical college te be 31 students logot virus bemar thurishe, koikena Tuesday din officials statement hesab te khobor toh janaishe. “ketai ekta student logot kasha aro thanda lakai complained paishe, ami khan para etu student logot medical elaj putaishe, etu bechete doctor para Covid-19 test loboli koishe. Dosura maiki ek jun kaun para etu maiki loikena jaishe, tai logot be positive tested paishe,” koikena St. Mary’s Girls High School laga Headmistress, Sister Petrica para khobor toh janaishe. Etu beche khobor toh chief district medical officer (CDMO) logot janaishe aro school te dosura students logot testing toh November 21 aro 22 darik te loishe. Students sob laga halat toh bhal wala ase aro tai khan quarantine pithor te ase aro doctor laga kotha hesab te tawai toh loi ase, koikena tai para aro khobor toh janaishe. Etu jarikena aro Burla te Veer Surendra Sai Institute of Medical Sciences & Research laga 31 medical students logot be virus bemar toh positive tested khobor paishe. “ami khan etai scheduled offline examinations toh online mode te loboli fesla korishe aro classes toh virtual mode te loboli ase”, koikena medical college laga dean, Jayashree Dora para khobor toh janaishe’. Students sob logot be mild symptoms aro asymptomatic ase aro tai khan etya isolation te rakina ase koikena tai para aro khobor toh junaishe.