Congress high command para Meghalaya ‘conspiracy’ sabo

Guwahati: Senior Congress leader Mallikarjun Kharge para koishe ke, Meghalaya 12 party MLAs para resign korikena Trinamool Congress logot hath melai toh ‘conspiracy’ ase koishe. Tai para koishe, party leadership, Sonia aro Rahul Gandhi para etu kam toh sai ase. “etu toh conspiracy neshina ase. Ami khan laga party manuh aro party president Rahul Gandhi aro dosura high command te thakai khan para etu nemite sai ase. Tai khan para fesla lobo,” koikena Kharge para kowa kotha toh news agency para janaishe. 12 Congress MLAs neshina aro etu oper te former chief minister Mukul Sangma, Wednesday din TMC te joined hoishe aro hill state te tai khan toh main opposition party hoishe. Hoilebi, Kharge para koishe ke, etu sob kotha toh jarikena opposition khan melikena Parliament te Narendra Modi-led government kelaaf te larai koribo. “larai toh hotai hoi thaki, etu nemite eku kotha koboli nai. Kotha toh hoile melikena Parliament te Rahul Gandhi neshina larai koribo. Floor leaders laga core committee meeting te koishe ke, parties khan toh alag-alag bapana thakibo hoilebi ami khan laga goal toh BJP logot larai koriboli ase,” Congress leader laga kotha toh HT para janai thishe. Tai para aro koishe ke, party khan melaikena Parliament te BJP oper te kamyaab hobo aro tai khan laga bapana te larai koribo. “kaun manu ami khan logot hotai thaki ase tai khan logot melaikena BJP kelaaf te larai koribo,” koikena tai para aro koishe.