Former Goa CM Ravi Naik para Congress resign aro BJP join

GUWAHATI: Congress MLA para resign korikena gonda pithor te former Goa Chief Minister Ravi Naik para ruling Bharatiya Janata Party (BJP) te formally joined korishe, etu toh 2022 state assembly polls osor te ahi-thaka samai te ase. Ravi Naik party para olai jowa nemite, legislative assembly te itya Congress toh 17 MLAs para tinta(3) legislators ase. “kali (Prime Minister) Narendra Modi para desh toh akhe te loi-jaikena kaun manuh be dukh nathakibo. BJP para komti hoilebi etu paar election te 27 MLAs kamyaab hobo,” koikena Panaji te induction ceremony samai khobor toh janaishe. Ravi Naik toh Roy Naik laga bhai ase, tai para koishe ke tai laga baba logot be BJP joined koriboli koishe. 2017 saal state Assembly polls samai, Congress toh single largest party 17 seats jetishe. Hoilebi, BJP 13 seats jetishe aro tai khan para dosura regional party aro independent party logot melaikena state te government bonaishe. Etu beche, Congress MLAs besi junpara party jarikena BJP joined korishe. 2017 saal polls beche, Valpoi MLA Vishwajit Rane toh Congress para resign hoboli first thakishe. Etu beche tai BJP joined korikena bypoll te jetishe koishe.