JORHAT: Mon district Nagaland te olop din akhe security forces para 14 innocent civilians ke morai-deya nemite Congress delegation ke jabo thiboli mana korishe. Congress delegation toh AICC general secretary Jitendra Singh Alwar, deputy leader of opposition in Lok Sabha Gaurav Gogoi aro Nagaland Congress in-charge Ajoy Singh thakishe. Congress leaders khan ke district administration laga order hesab te Jorhat airport te ‘rokaishe. “congress leaders ke jaboli mana kora grounds besi ase, itya Assam-Nagaland border te peace aro tranquility laga kotha ase,” koikena Jorhat district magistrate Ashok Kumar Barman laga order hesab te janaishe. “etu nemite delegation ke visit koriboli mana korishe aro etu toh Govt of Nagaland laga hokom nahoile koikena aro order te janaishe. Etu samai, Congress delegation para ‘rokai deya’ nemite kushi powa nai. “etu toh sorom ase, moi khan ke Assam, Jorhat Airport para Mon district Nagaland toh osor ase. Etu toh Amit Shah laga kam ase,” koikena Congress leader Ajoy Kumar para koishe. Tai aro koishe ke, “ami khan toh Nagaland te mon dukh thakai families ke lok paboli jai thaka samai rokaishe. Modi Government toh keli Congress delegation logot phui ase?” tinta (3) Congress delegation member para Jorhat Airport te roka nemite sit-in protest korishe. Ami khan toh Jorhat airport te dharna kora toh tin(3) gonda neshina hoishe. Ami khan toh kali Nagaland laga brothers aro sisters logot jaikena Congress Party toh tai khan logot ase kobuli thaka ase. Assam police para ami khan ke Jorhat airport te rokaishe, koikena Assam Congress MP aro deputy leader of opposition in Lok Sabha Gaurav Gogoi para koishe. Etu samai, Nagaland Congress para be ‘rokai deya’ nemite condemned korishe. Nagaland Congress General Secretary, GK Zhimomi para koishe ke, “14 jun laga families logot lok koriboli mana kora toh hoile Centre aro state te BJP government para hosa toh lokaboli kori ase”.
Add Comment