Northeast te Air Force’s Suryakiran flypast koribo

Guwahati: Northeast te December moina te Indian Air Force’s (IAF) Suryakiran Aerobatic Team para flypast kora thikibo. Etu flypasts toh desh laga alag-alag jaga te 1971 war beche Swarnim Vijay Varsh  50 years mark kora thakibo. 1971 war beche notun country Bangladesh hoishe. Suryakirans para Umiam Lake, Shillong te December 4 darik te display koribo, etu samai tuita(2) flypasts toh Northeast jaga sob te oribo. Etu oper te December 12 darik te Lachit Ghat te be display koribo. “Suryakiran Aerobatic Team, Indian Air Force toh nation laga pride ase, keli koile tai khan laga professionalism, precision aro prowess toh hotai samai war aro peace te kori thaki,” koikena IAF te statement te janaishe. Aerobatics bona toh aviation skills aro aerobaticIndian Air Forc unite toh Suryakiran Aerobatic Team, koikena Ambassadors of the Indian Air Force nam para be jani ase. Etu team te 17 officers, 200 technicians aro powerful punch ase. Etu team toh 1996 saal te formed hoishe aro motto toh Indian Air Force “Touch the sky with glory” ase koishe. Tai khan laga team toh global phenomenon te samil ase aro duniyaa te 9 aircraft formation Aerobatic team ase koishe. Team para itya dak te 600 displays toh desh laga length aro breadth te korikena ase aro etu oper te Sri Lanka aro Dubai te 2021 saal te India para represented korikena ase.