10 Jailed Rohingyas para High Court ke Refugee Status mangkishe

MUMBAI: Maharashtra te aro 8 notun Omicron cases thurishe, etu pithor te 7 cases toh Mumbai para ase. Etu sob melaikena state te notun variants toh 28 cases ase koikena junaishe. Hoilebi, aji toh Maharashtra te notun cases thura nai aro kaun logot be international travel history powa nai koishe. 8 jun manuh pithor te, 1 jun toh Bangalore jaishe aro dosura khan toh Delhi te jowa ase. Etu te 7 jun Mumbai para aro ase aro 1 jun toh Vasai-Virar para ase. Etu bemar manuh sob toh 24 umer aro 41 umer majot laga ase. Tai khan pithor te 3 bemar manuh toh asymptomatic ase aro dosura 5 jun logot toh mild symptoms ase koishe. Monday din Maharashtra’s Nagpur city te tuita(2) Omicron cases khobor paishe. Etu tui(2) jun te 1 jun toh maiki manuh ase aro bemar toh Maharashtra te thurishe, tai jun be asymptomatic aro full vaccine loikena ase koishe. Tai jun logot be Dubai te travel histories ase. Etu 8 notun cases melaikena, itya Maharashtra te sob melaikena Omicron case toh 28 hoishe. Omicron variant cases toh besi othi samai te, hoilebi Mumbai te BMC aro Pune Mayor para Tuesday din Mumbai aro Pune te schools toh kula thakibo koishe. Pune te offline classes 1 para 8 dak nemite December 16 darik para soruh koribo. Mumbai te schools toh classes 1 para 7 dak toh December 15 darik para soruh hoishe koikena janaishe. Aji, National capital te 4 notun Omicron cases thurishe. Etu melaikena itya Delhi te 6 cases hoishe. Bemar manuh sob logot international travel history ase koishe. Itya dak te 74 travellers khan ke airport para hospital te putaikena ase aro etu jaga te special ward bonaikena ase aro Omicron suspected cases nemite alag isolation jaga be ase. Etu hospital para 36 manuh discharged hoikena ase koishe.