New Delhi: Serum Institute of India para koishe ke, bacha 3 saal oper nemite vaccines toh aha 6 moina majot te olaboli ase, koikena etu khobor toh junaishe. Etu khobor junai deya toh notun Omicron variant Covid-19 oper te tangor bapana thaka samai ase. SII’s CEO Adar Poonawalla para etu khobor toh CII Partnership Summit te janaishe. Omicron variant laga kotha kora te, Poonawalla para koishe ke, “data hesab te, booster vaccine doses toh safe ase aro antibodies loi thakiboli lage”. Itya dak te Covishield aro dosura COVID -19 vaccines toh 18 umer oper manuh nemite olaikena ase koishe. “aji dak te bacha khan logot bemari toh besi serious nahoikena ase. Hoilebi, bapana toh bacha nemite nahoi, etu oper te bacha nemite vaccine toh 6 moina dak te olaboli ase,” koikena Poonawalla para aro khobor toh janaishe. Itya dak India te tuita(2) companies logot licensed ase aro etu companies para vaccine toh joldi olaboli ase, tai para aro janaishe. “ami laga bapana te bacha logot be vaccine thiboli lage, etu vaccines toh safe aro sob nemite besi bhal thakibo. Jodi tui khan laga bacha ke vaccine toh loboli mon thakishe koile, government laga khobor toh roki thakiboli lage aro etu oper te jaboli lage. Ami khan laga vaccine Covovax toh 6 moina pithor te bacha nemite te olaboli ase,” koikena Poonawall para aro koishe. Itya dak te Serum Institute of India para Covishield vaccine bonai thaka toh 250-275 million doses per month ase.
Add Comment