Kiphire Town te Common Graveyard inaugurate korise

Kiphire, 16 December: Kiphire Town te Common Graveyard toh MLA & Chairman DPDB, T. Yangseo Sangtam para 15^th December 2021 te inaugurate korise.

Yangseo para Common Graveyard toh Kiphire Town manu khan laga initiative aro co-operation para kothom korise koise. Tai para poila manu khan burials nemite dekthari powa thakise koise kelay koile graveyard te rasta connect kora nathaka nemite. Yangseo para Kiphire laga manu khan ke hygiene maintain koribole aro osor-osor jaga khan sabha rakhibole koise. Tai para sob land donors, resting shed donor aro sob initiators ke mission kamiyab nemite thank korise. Land donors aro resting shed donor ke certificate of appreciation toh MLA para deya thakise.

Welcome address toh Chairman, Kiphire Town Wards, Lesithrong para deya thakise aro vote of thanks Secretary, Common Graveyard, Dr. H. Apise para koise. Program toh Alison, President Baptist Pastors’ Fellowship Kiphire Town para host kora thakise. Program te tribal hohos of of USLP, ESH, TTC, Pastors, GBs, Hindu & Muslim Community aro ward leaders thakise.