Gao bhal hubo laka rastah.

Gao bhal hubo karneh kha loa aro adot purah bhal rastah loi jabo lageh, etu karneh etu saal etu rastah khan cholaileh nijor karneh aro ghor manu laka gao bhal hubo paribo.

• Kha loa bhal khabi:  kha loa bhal khan sob khabi, sabji, bhaat, phal khan sob khaileh bhal ase. Phal khan laka season teh khaileh bhal ase pojor, din aro saam teh. Etu khan bhal para khaileh manu khan stroke, diabetes, stroke aro cancer huboleh chance komti huijai.
• Chini aro nimok komti khabi: manu khan kun nimok bihse khai, taikhan blood pressure bishe uthi boleh chance bishe thakeh, aro stroke huboleh chance uthe jai. ek din teh nimok 5g para komti khabo lageh kuishe. Etu kinika paribo kuileh, bhaat bana homoi teh nimok komti cholainah banabo lageh.

Chini bishe kha toh daat biya hobo aro gao bhari bishi uthejai. Manu khan chini bishe kha toh mithai, aro kha loa mitha thaka khan komti khaileh nijor karneh bhal ase kuishe.

• Tail gao karneh biya khan komti kuribi:  tail khan kha toh nijor gao bhari huboleh deh, tail khan bishe ase aro unsaturated fats khaboleh koi.

Unsaturated fats khan maas, nuts, avovado, olive oil khan teh pai, aro saturated fats khan butter, coconut oil, cheese, ghee khan the pai, trans-fats khan fry saman, biscuit khan teh pai.

• Modu nakhabi: modu kha toh gao karneh biya ase aro kiman komti khabo lageh kuina kutteh bi likhena nai. Modu kha toh gao biya kurideh aro mental, behavioural disoeder kurideh. Cancer, liver aro heart bimari khan ulaideh, gari accident aro jakara kurinah gao jokom ponchaideh.
• Beri nakhabi: beri kha toh NCDs khan lung disease, heart disease aro stroke kurideh.  Beri kha toh kha manu eklah nohoina nakha manu khan osor teh thaka khan khebi morai deh. Phillipines teh 15.9 million beri kha manu ase aro dostah teh saatah manu charibo mun aseh.

Manu khan kun beru khai, tai khan chari boleh deri hoa nai, charishe koileh ekbar para gao bhal hoa dikhe jabo. Beri khan khaina hawa letera hoa laka kotha nakubi kuishe.

• Gao exercise kuribi: exercise kura kaam kureh aro kheleh homoi teh gao hilah toh bhal ase. Nijor saal opor teh gao kaam kuri boleh lageh, 18-64 saal manu khan haptah teh 150 minutes nishena gao kaam kuribo dibo lageh.
• Blood pressure sainah rakhibi: hypertension aro high blood pressure khan toh ‘silent killer’ koi. Kileh maneh manu khan kun hypertension thakeh tai khan bimari najaninah thakeh. Etu bimari nasaileh hypertension khan heat, dimak aro kidney teh bimari ulaijai. Etu karneh blood pressure sainah rakhibi, aro pressure bishe ase koileh komti kuriboleh kuribi aro hypertension komti hujijabo.
• Vaccine mari lobi: vaccine mareh toh gao the bimari khan nalagibo karneh bhal aseh.  Vaccine khan gao keh takot rakhede aro cancer, cholera, hepartits B, measles, mumps, pneumonia, pollio, typhoid khan lagiboleh chance komti hoijai.
• Muk bon kuribi khasi kureh homoi teh:  TB, pneumonia khan hawa para lageh, manu khan kun etu bimari khan thakeh homoi teh khasi kureh hawa teh bimari khan ulajai, aro manu khan lokot lagibo chance bishe huijai. manu khan kitai khasi kuribo mun thakeh, muk bon kurinah rakhibi khapra nohoileh tissue loinah.
• Mochor kamuribo nadibi:  mochor toh bimari biya khan sob manu khe lagaideh. Dengue, malaria khan mochor para manu khe lagaideh. Etu karneh ghor the kharki aro bisnah teh mochor tani rakhina buhibi.
• Pani sapha eklah khabi: pani letera kha teh cholera, diarrhea, hepatitis A, typhoid aro polio bimari khan lagaideh.  Pani sapha nohubo laka bhapnah thakileh pani gorom kurinah khabi.
• Haat bhal para sapha kurinah rakhibi:  haat sapha rakhibi, kileh maneh haat letera thakeh toh bimari khan kisem kisem lagehdeh, etu karneh sabon loinah haat khan dhulabi.
• Khaboleh bhaat khan bhal para pakabi: kha loa teh bimari biya, virus, parasites aro alak bimari khan bishe thakeh diarrhea aro cancer thak.  Kha loa bhal para pakabi,  kha loa bishe gorom jaka teh narakhibi, pani sapha loinah kha loa sapha kurina pakabi.