Boxer Monika (48kg) harai dishe two-time World Championship medallist Josie Gabuco Philippines manu khe aro Semifinals jaboleh ase duijun Indian lokot Thailand Open Monday teh.
Ashish Kumar (81kg) aro Manisha (57kg) taijun Indian boxer bhal duitah ase Thai boxers khe haraina ase.
26 saal Monika, Rohtak para ahiah manu 4-1 teh harai dishe bhal khelari Gubuco khe, tai gold aro bronze medals World Championships 2012 aro 2008 saal teh jetishe.
Tai etia Vietnam laka Trinh Thi Diem Kieu lokot khelibo, last round teh bye paina thaka.
Tokyo Olympics piche tai laka ageh international tournament kheliboleh ase , last edition laka gold medallist Ahish 5-0 teh jetishe local boxer Aphisit Khankhokkhruea 81kg khe haraina quarterfinals teh. Indian boxer etia Indonesia laka Maikhel Roberrd Muskita lokot semifinals teh khelibo.
Manisha karneh bhal din thakishe ring teh, tai World Championships aro Asian Games qualidfy kuribo parishe, aro dui bar Youth Asian champion Thailand laka Porntip Buapa khe 3-2 teh harai dishe 57kg quarterfinals teh.
Renu (54kg) aro Monika (63kg) tai jun laka opening round clash harishe. Renu bhal jakara kurishe Italy’s European U-22 champion Sirine Charaabi lokot, etu kafi thaka nai aro 2-3 quaterfinal clash teh harijaishe.
Monika quarterfinal teh harijaishe, Youth Olympic champion local boxer Panpatchara Somnuek laka haat teh RSC verdict I round para.
Competition laka tin din Tuesday teh, Sumit aro Gaurav Chauhan quarter-finals khelibo. Sumit (75kg) last opening round teh bye paishe tai Timur Nurseitov lokot khelibo aro Gaurav (91kg) tai 2018 Youth Olympics Champion Aibek Oralbay lokot khelibo.
Tournament teh 130 boxers ase tateh 74 male aro 56 females ase.
Gold medal winner khan $2000 jetibo aro silver aro bronze khan $1000 aro $500 pabo.
Indian contigent teh aatah medals paina ase, tateh ekta gold, chartah silver aro tintah bronze last edition tournament 2019 saal teh.
Add Comment