Kohima, 06 April: Kohima District Football Tournament toh 6th April 2022 te Indira Gandhi stadium Kohima jaga te suru korise aro Advisor Urban Development & Municipal Affairs, Dr. Neikiesalie Kicky Kire toh special guest hisab te thakise.
Kire para sob players ke game te enjoy koribole koise. Tai para ami khan enaka types laga tournaments toh ami khan laga school days te be agae shaise koise aro ami khan para ami khan laga schools aro universities te represent korise koise. Tai para Nagas toh tournament osor samai te practice kora thaki hoilebe ketiya events kothom hoi practice te kami howa thaki koise. Tai para sob player ke discipline, patience aro determination hobole koise kelay koile tai khan ahibole saal te winners hobole paribole nemite.
Kohima District te sob meli kena 28 High schools toh tinta disciplines te hisha loi ase- Football, Badminton aro Table Tennis te. 15 boys football team aro seven girls football team toh football discipline te hisha loi ase.
Agae te, Dr. Nicky para Kohima Inter-High School Tournament khula janai deya thakise. Secretary Youth Resources & Sports, Wezope Kenye toh programme laga chairman thakise.
Kohima Inter-High School District Football Tournament laga first match toh Modern School aro Mt. Hermon School majote khela thakise.
Add Comment