Assam-Meghalaya border  2nd phase talks June-July tethakibo

April 8, 2022: Assam aro Meghalaya pithor te interstate border jamila nemite second phase talks toh etu saal June-July moina te koribo, koikena khobor toh Assam chief minister Himanta Biswa Sarma para junaishe. Etu second phase border talks samai Assam aro Meghalaya majot te aro 6 jaga jamila thaka toh kotha koriboli janaishe. Rabha Hasong Autonomous Council laga Chief Executive Member, Tankeswar Rabha toh be tuita(2) wala meeting te samil korishe. Political parties logot kotha kora samai, Chief Minister Himanta Biswa Sarma para koishe ke, Assam aro Meghalaya pithor te inter-state border jamila thaka toh five-decade purana jamila ase. Mr Sarma para aro janaishe ke, tuita(2) state para tinta(3) Regional Committees laga representatives toh ekta(1) Cabinet Minister aro local MLA toh member neshina hoikena kotha koishe. Regional Committees laga recommendations hesab te, Chief Minister level te rounds besi kotha korishe, etu oper te roadmap bonaikena inter-state border laga 6 jaga te jamila thaka toh final settlement nemite kotha koishe. Etu meeting te part loikena Leader of the Opposition and Congress MLA Debabrata Saikia, CPI(M) MLA Manoranjan Talukdar, AIUDF MLA Aminul Islam, BPF MLA Durga Das Bodo, AGP MLA Ramendra Narayan Kalita, BJP leader Jayanta Das, tai khan para be nejor laga kotha toh share korishe koishe.