24 gonda pithor 1,033 COVID Cases aro 43 mora khobor

NEW DELHI: India te ek(1) din pithor te 1,033 notun coronavirus thura melaikena itya bemari cases toh 4,30,31,958 ase aro etu samai active cases toh 11,639 lamishe, koikena Union Health Ministry data updated hesab te junaishe. 8am samai dak update te bemar para 43 notun mora melaikena itya India te 5,21,530 jun morikena ase. Active cases toh sob melaikena 0.03 per cent ase aro etu samai national COVID-19 recovery rate toh 98.76 per cent te ase, koikena ministry para janaishe. 24 gonda pithor te active COVID-19 caseload toh 232 cases komti hoishe. Daily positivity rate toh 0.21 per cent te ase aro weekly positivity rate toh 0.22  per cent ase, ministry para aro janaishe. Bemari para bhal koikena thaka toh 4,24,98,789 ase aro manuh mora rate toh 1.21 per cent te ase. India te itya dak COVID-19 vaccination drive samai cumulative doses deya toh 185.18 crore oper hoikena ase. India te COVID-19 tally toh August 7, 2020 te 20-lakh mark pongchise aro August 23 darik te 30 lakh hoishe, September 5 darik te 40 lakh aro September 16 darik te 50 lakh pongchise. Etu jai thakina September 28 darik te 60 lakh hoishe, October 11 te 70 lakh, October 29 darik te 80 lakh, November 20 darik te 90 lakh hoishe aro December 19 darik te one-crore pongchise. India te 2 crore toh May 4 darik te pongchise aro June 23 darik te 3 crore hoishe. Notun 43 mora khobor te Kerala para 32 ase. India te sob melaikena 5,21,530 mora pithor te Maharashtra para 1,47,800, Kerala para 68,228, Karnataka para 40,056, Tamil Nadu para 38,025, Delhi para  26,155, Uttar Pradesh para 23,497 aro West Bengal para 21,200 jun morikena ase koishe. Ministry para aro junaishe ke etu mora pithor te 70 per cent toh comorbidities nemite ase.