Longleng, 07 April: Phom Monyu Tribal festival laga 2nd din 6th April 2022 te local ground Longleng jaga te . Khehovi Sumi, Advisor Tourism, Art & Culture para Special Guest hisab te grace korise.
‘our culture defines our identity’ koi kena Khehovi para Phom community te tai kkhan laga identity bachabole rich culture aro traditions te promote aro preserve koribole koise. Tai para manu khan ke festival toh khali merrymaking nemite he manibole nahoi kena tai khan laga identity promote koribole aro younger generation ke educate koribole nemite hobole koise.
Sob Naga tribe te nejor laga diverse festival, dialect, aro attires ase hoilebe Christianity te thaka para sobse dangor gift ase koise. Tai para rich culture aro unique tradition toh Nagas laga sundor ase aro etu para be state te tourism nemite promote kori koise.
Mana te sob manu khan ke welcome kori kena, Chief Host Manpai Phom, ADC Tseminyu para Nagaland laga Government te dhaniyabad janaishe kelay koile state te sob tribes laga major festivals te popularize kori kena age-old custom, tradition, aro culture te importance deya nemite aro state te tourism promote koribole opai khula nemite.
Din laga highlights te, Log drum Tangha Bosti para marishe, Culture Dance toh Hukphang Nyula, Pongo Union, Jakphang Village, Yachem Union, Longleng Sadar, aro Yongnyah block para thakise. Traditional Competition te Longleng laga 12 ward para Tug of War, Still Bamboo Walking, Grain Grinding, Pottery Making, Blacksmith, Handicraft aro Mat making be meli kena thakise
Agae te, Rev. Beau Phom, Pastor Longleng Town Baptist Church para Isor laga ashirbad nemite waada kora thakise. Etu bechite Deputy Commissioner M. Shayung Phom pra Monyu Greetings thakise.
Add Comment