CBI para Mubai 26/11 Hafiz Saeed thurishe

NEW DELHI: Pakistan te anti-terror court para 26/11 mastermind Hafiz Saeed ke 31 saal nemite jail te bohiboli sajaa junaishe. Hafiz Saeed toh terror group Lashkar-e Taiba laga founder ase aro Jamaat ud Dawa chief ase, tai ke tuita(2) cases te sajaa toh junaishe. Court para aro tai laga saman sob seized koribo aro etu oper te Rs 3,40,000 fine koriboli janaishe. Khobor hesab te aro Hafiz Saeed para mosque aro madrassa bonaikena thaka toh be luilobo. Hafiz Saeed 70-umer ke puila be terror financing cases te sentenced korishe. 2020 saal te tai ke 15 saal jail junaishe. Pakistan te tai besi paar jail te thakishe aro house arrest be korishe. Tai toh desh pithor te free te peraikena India oper te tai laga kotha para target kori thakishe. 2019 saal te Pakistan PM Imran Khan para US visit nakora akhe Hafiz Saeed ke thurishe. Etu samai US President Donald Trump para koishe ke, Saeed ke 10 saal oper pesarikena thurishe. Saeed toh Gujranwala para Lahore te anti-terrorism court te jai thaka samai Punjab laga Counter Terrorism Department (CTD) para thurishe. US House Foreign Affairs Committee para koishe ke, 2001 samai Saeed ke 8 paar neshina thurikena jarishe. Mumbai te November 26, 2008 saal te terror hamal kora te Hafiz Saeed ke putnam thikena ase, etu saal laga hamla te 166 manuh morishe. 2017 saal te Hafiz Saeed aro tai laga 4 jun sathi ke Pakistan para thurishe, hoilebi 11 moina neshina thaka beche jarishe, hoilebi Punjab laga Judicial Review Board para tai ke jara toh kelaaf thakishe.