Nepal PM aro  S Jaishankar kotha korishe

NEW DELHI: Friday din Nepal Prime Minister Sher Bahadur Deuba para External Affairs Minister S Jaishankar aro Foreign Secretary Harsh Shringla ke Delhi te meeting korishe. Aji Nepalese Prime Minister toh tin(3) din nemite India ahishe. Tai logot senior officials aro tai laga maiki Dr Arzu Deuba samil thakishe. Nepal’s Prime Minister India te visit kora toh hoile PM Modi para invite kora nemite ase. Etu din te Nepal Prime Minister para Bharatiya Janta Party (BJP) President JP Nadda logot be party headquarters te meeting samai lok paishe. Prime Minister Sher Bahadur Deuba aro Prime Minister Narendra Modi toh aji Hyderabad House te dosura kam nemite aro meeting thakishe. New Delhi te official engagements oper te aro Nepal PM para Uttar Pradesh, Varanasi visit koribo. Press statement te MEA para janaishe ke, India aro Nepal toh besi saal para friendship aro melikena ahi-ase. Nepal para last Head of State/Head of Government-level visit toh May 2019 saal thakishe, etu samai Prime Minister  K P Oli toh India visit korikena PM Narendra Modi aro Union Council of Ministers laga swearing-in ceremony te samil korishe. Etu akhe te Prime Minister Modi para August 2018 saal Nepal visit korikena 4th BIMSTEC Summit, Kathmandu visit korishe.  Nepal’s Parliament te Sher Bahadur Deuba para Vote of Confidence te kamyaab powa nemite PM Modi para congratulatory message janaishe. Etu beche aro 19 July 2021 saal te congratulatory telephone te kotha korishe. PM Modi aro Sher Bahadur Deuba pithor te meeting toh November 2, 2021 saal COP 26 nemite, Glasgow te lok korikena ase. Sher Bahadur Deuba toh Nepali Congress laga veteran politician ase aro tai laga political career toh seven decades oper hoishe. Etu toh Deuba laga Prime Minister 5^th tenure ase. Tai laga 1^st tenure toh September 1995 para  March 1997 saal dak thakishe.