Jawan chokara table tennis player Deenadayalan Vishwa murishe aro alak tintah paddlers tami Nadu para aheh khan jokom huishe tai khan laka taxi 12 wheel truck lokot laga piche Meghalaya Ri-Bhoi district Sunday teh kuishe police.
Chartah khelari khan soutehrn Indian state para ase, tai khan Guwahati Airport para Shillong jai thakishe tourist taxi para 83rd Senior National Table Tennis Championship karneh.
Police kuishe 12 wheel truck dusra rasta para ahithaka taxi lokot lagishe Shangbangla area 1:50 PM teh.
Vishwa 18, Nongpoh Civil Hospital Ri-Bhoi district jai thaka homoi muri jaishe, aro alak khelari khan North Eastern Indira Gandhi Regional Institute of health & Medical Science (NEIGRIHMS) teh ase. Tai khan jaan khatara teh nohoi huishe kuishe Meghalaya Table Tennis Association (MTTA).
Etu jawan chokara toh bishe junior, sub-junior aro cadet titles country aro bahar teh jetishe aro tai murijah toh India sport karneh bishe nuksan kuishe.
Vishwa laka ghor manu khan Nogpoh ponchiboleh ase kuishe tai laka lash rakhina thaka teh.
MTTA Vice-President Bruce P Marak aro General Secretaary Chiranjib Choudhary tai khan mun dukh thaka kotha kuishe Vishwa mureh karneh aro bhal table tennis khelari ulabo thaka.
Add Comment