R Madhavan’s laka bacha Vedaant para Danish open 2022 te  Gold medal paishe.

New Delhi |April 18, 2022: Actor R Madhavan laka bacha vedaant madhavan, para swimming te gold medal jitishe,  Danish open 2022  Copenhagen te. Madhavan para instagram te tai laka bacha gols medal boa laka clip share kurishe, aro etu caption laka hesab te hoile, tai laka  16 sal bacha vedaant toh, 800m swimming toh 8:17.28  te khaotom kuri kena  gold medal jitishe. “ gold abni khan aro bhagwan laka morom para jiti kena ahi ashe, aji 800m te @vedaantmadhavan  gold paishe. Thank you Coach @bacpradeep sir @swimmingfederation.in @ansadxb aro team khan kle,” likhishe madhavan para. Etu ke Film industry stars,  Bedi, Sophie Chaudry, Shilpa Shirodkar, Priya Mani, Rohit Bose Roy, Esha Deol, Namrata Shirodkar, Shilpa Shetty, Boman Irani, Darshan Kumaar, Aanand L Rai, Sikandar Kher, Tanishaa Mukerji aro Tannaz Irani khan  para  congratulate kuri kena  comment likhishe. Madhavan aro tai laka maiki,  tai jun toh hoile, December 2021 te taijun laka bacha vedaant, nemete training bhal lopo karne Dubai te jaishe koi kena news thakishe. Vedaant toh Olympics nemete te training kurishe, aro india te hoile pandemic  thaka para training facilities toh nabunja para, actor Madhavan toh vedaant ke training bahl dibo nemete  ke Dubai te jaishe. Madhavan para Bollywood Hungama ke koishe ki, “ Mumbai laka tangor swimming pools toh covid thaka para bandh thakishe, etu nemete, moi khan toh Vedaant logot Dubai te ashe. Aro vedaant toh Olympic karne training loiashe. Moi aro Sarita ( his wife) toh tai logot  te ashe.”