CHENNAI, OCTOBER 15 : Gujarat Sorkar pora Monday din Tamil Nadu Chief Minister K Palaniswami ke duniya pora sobse lamba Statue, Sardar Vallabhbhai Patel laga toh asulte lakaide ase koi kena janaidebole matise. Aro etu din toh October moina darek 31 te manabole ase koise.
Etu “Statue of Unity” asul te lakaidiya janaidebole karne mata khobor toh Secretariat, Chennai te Gujarat Minister Ganpat Vasava, Tribal Development aro Tourism nemite thaka pora ahkete luijai kena thaka Team kan etu CM Palaniswami ke dedebole aro janaidebole jaise. Aro etu mata khobor janaidese koi kena, Official khobor hisabte janaise. Aro etu Gujarat Minister logot tai kan Party MP Kirit Solanki aro 2 jun nesena State Legislators kan bi melekena thakise koise.
Etu “Statue of Unity” toh Sardar Patel, India desh laga ahke Home Minister nemite hi bana laga ase. Aro etu Statue toh duniya pora sobse lamba Statue ase koise. Etubi 182 metres lamba. Aro etu Statue ban ate Rs. 2,389 crore poisa bhelai kena ase. Aro etu Statue toh Sadhu Bet Island, Narmada nuti te ase koise. Aro etu Statue toh Prime Minister Narendra Modi pora October 31, etu Sardar Patel laga junum din te asulte lakaidiya janaidebole (unveiled) ase koise.
Add Comment