Meghalaya former CM Rymbai 88-umer te morishe

SHILLONG: Meghalaya former Chief Minister, JD Rymbai morishe. Etu veteran politician mora samai tai laga umer toh 88 thakishe. Rymbai para active politics te 1983 saal te homaishe aro tai toh Meghalaya legislative assembly te Jirang constituency para Congress party ticket te kamyaab paishe. Etu 1983 saal te tai ke legislative assembly laga deputy speaker junaishe aro 1993 saal te aro Meghalaya Assembly speaker junishe. June 15, 2006 saal te tai Meghalaya Chief Minister hoishe aro tai March 2007 saal dak korishe. Meghalaya Chief, Conrad Sangma para former chief Minister mora oper koishe ke, “ami khan laga former Chief Minister, Shri JD Rymbai mora khobor honikena besi mon dukh hoishe, Shri Rymbai toh statesman thakishe aro state manuh para tai laga kam oper te besi kushi thakishe.  Tai para state nemite development kam te motob kora toh hoile hotai din yaat thakibo”, koikena Meghalaya Chief Minister, Conrad Sangma para janaishe.