April 22, 2022: Thursday din Jammu & Kashmir te terrorists aro security forces larai korikena komti hoilebi sepai tin(3) jun jokom paishe, koikena khobor para janaishe. Khobor laga detail hesab te etu larai kora toh hoile Union Territory laga Baramulla district te thakishe. Etu larai samai civilian 1 jun be jokom paishe koishe. Larai kora laga khobor janai deya te Inspector General of Police (IGP) Kashmir, Vijay Kumar para koishe ke, etu larai kora laga exact jaga toh Malwa te hoishe, koikena janaishe. “larai kora exact jaga toh Malwa ase. Puila goole mara-mari kora te tinta(3) sepia aro 1 jun civilian logot jokom paishe. Itya operation jai ase aro dosura khobor loboli roki ase,” koikena Kumar para aro janaishe. Etu samai Budgam Police aro Army be jaga toh pongchise aro operation jai ase, koikena etu laga khobor toh police para koishe.
Baramulla te 3 sepia aro 1 civilian jokom
Add Comment