Agencies, 28 April: Advisor, CAWD and NSDMA, Kazheto Kinimi para formally Yachem EAC office building toh 25th April 2022 te S. Pangnyu Phom, Minister Health & Family Welfare, Y. Yangseo Sangtam, Deputy Speaker, S. Keoshu Yimkhiung, Advisor, Information & Public Relations & Village Guards, MLA C. L. John, DC aro SP, Longleng thaki kena inaugurate korise.
Inaugural speech te Advisor Kazheto Kinimi para notun office building para manu khan ke Government te closer anibo koise phal governance aro government nemite koise. Tai para government office buildings toh manu khan laga property ase koise. Etu nemtie public aro government para etu te bachabole aro care koribole eki zamidari ase koise. Tai para be manu khan etu te phal para jolabole aro phal governance nemite government logote haath mela te gara hobole bhabona koise. Kazheto para be office building para khali Longleng district nemite he laub howa nahoi kena pura State of Nagaland nemite hobo koise administrative infrastructure development gara kori kena.
Minister Pangnyu Phom para EAC Office Yachem nemite saman khan te Yachem Circle laga five bosti khan para motob korise koise aro tusara administrative headquarters para enaka koribole nemite koise. 2005 bechae para State te notun bona EAC post kondu te hoilebe post creation kora nai aro tai khan besi phak/majority te notun office building nai koi kena Yachem te ekta notun office building thaka toh gopal/fortunate ase koise aro Department official te Advisor, CAWD and NSDMA, Kazheto Kinimi para led notun office building kamiyab bona nemite dhaniyabad janaishe.
Advisor S. Keoshu Yimkhiung Guard para experience aro qualified leaders ke elect hobole clean election nemite koise kelay koile ami khan laga state te alak alak sectors te growth aro progress nemite. Taki para kondu desh te hoilebe growth aro development nemite manu khan laga echa/will toh ektum besi/supreme ase koise hoilebe election samai te tai khan laga rights nabekhai kena koise aro politicians te development kami nemite botnam korise. Tai para manu khan ke ekta pariya leader kon welfare needs aro social justice debole pari etu te sabole koise.
Deputy Speaker T. Yangseo Sangtam para district laga development aro constituency para gara visionary leaders laga representative te dekhae koise aro manu khan elected representative para sob laga development nemite phal kaam kora te acknowledge koribole koise.
DC, M. Shayung Phom para government te office building nemite fund deya para dhaniyabad janaishe. Administrative headquarter laga all-round development ensure koribole nemite, DC para Yachem te independent administrative officer laga posting aro post bonabole nemite suggest korise. Administrative headquarter nemite sob meli kena mathi opor te khobor janai kena Shayung para manu khan Government laga mathi te kabja/encroach nakoribole hoilebe government laga properties te ownership thakibole koise.
MLA C. L. John, Shami Angh President PPC aro Contractor H. Meren para be short speeches deya thakise. Yachem Students’ Union aro Yakanangba & Imlionen para special number toh programme laga highlights thakise. Invocation aro welcome address toh Rev. T. I. Lakpa, Pastor Noksosang village aro Longnyu, Dobashi Yachem Circle para thakise.
Technical report toh Er. Sungtiba Amer, EE, CAWD para deya thakise. Dedicatory prathana toh Rev. M. Adao, Pastor Yachem Baptist Church para kora thakise. Inaugural programme te Pichano Kikon, EAC Yachem para chaired thakise.
Add Comment