July 16, 2023: Lionel Messi bishi sal karne phapa aro kam kuri kina tai taila Dangor League Soccer join kura laka deal tho finalized kuri dishae. Etu kora por Inter Miami kan ekta Global Icon pai jaishae.
Messi para Saturday deh officially taila contract sign kuri dishae tai 5 hafta age te Inter Miami join kuribo kua piche deh. Etu team para Messi keh sunday rati deh Officially introduce kuri dibo aro etu introduction tho taikan Fort Lauderdale Stadium deh kuribole ase. Messi laka first home match tho aro Friday deh Cruz Azul kan lokot deh takibo pare Leagues Cup karne.
Formal news conference tho monday din deh schedule kuri nah ase aro taila first training session taila nutun club lokot deh Tuesday deh takibo kuri nah expect kuri ase.
Taila club para agae deh Messi laka deal tho 2 ½ seasons karne takibo kuishae aro taila pay tho $50 million aro $60 million annually laka majo deh dibo kuishae.
” Dunia laka sobse greatest football player para mukan laka Inter Miami FC aro Major League Soccer choose kura tho mukan over kushi deh ase aro tai etu decision lua tho mukan lah North America sports laka aims aro motivations tho dikai ase”, MLS Commissioner Don Graber para ekta statement deh kuishae.
“Mui excited ase mui laka career Inter Miami aro United States deh taki bole, etu mui karne dangor ekta opportunity ase aro mukan eki lokot deh etu project tho bana bo. Yete idea tho mukan eki lokot deh kam kurina objectives ka tho achieve kuribo kui nah ase aro mui muila nutun ghor deh modot kuribole ruki bo napare”, Messi para ekta statement deh kuishae.
Messi PSG charibole ase kua tho sob manu b jani takishae hoile b kute jabo kua tho kun b jana taka nai. Kun pa tho Saudi Arabia laka Al-Hilal club tho join kuribole ase kui nah papi takishae taila longtime rival Christiano Ronaldo join kura karne. Hoile b last deh tho Miami jiti shae.
Add Comment