July 10, 2023 : Ekta former soldier, ekta judo practice kuri thaka aru ekta battle kuri thaka maiki, sob maiki laga behalf tey utu manu khan ke aniboley kun khan tai ke sexually abuse kurishey.
Kitya Gonoi toh hoiley Japan laga Self Defense Force (JSDF) tey serve kuri thakishey, tai para koishey tai ke toh hoiley physical aru verbal sexual abuse kurishey hudai, ek saal para bhi bishi, aru kosom khai shey kitya tai charishey June 2022 tey, dui saal laga service pichetey ki, tai toh hoiley tai ke kun kun para dikdar dishey tai khan sob ke justice tey anibo.
First first-tey authorities khan toh hoiley tai ke bisas kuri thaknai. Kitya tai para itu alleged abuse nimitey report kurishey military authorities ke, duita investigator ke launch kurishey, hoilebi duita bhi giraidishey, saboot nathaka hoi jawa nimtey.
Itu para haar namani kena tai TV station khan tey jaishey. Kitya tai khan bhi tai ke hisap kuria nai, tai itu kotha toh social media tey loi jaishey – itu toh ekta kunbi nakuria laga ekta move asey itu country tey, kotey toh hoiley sexual assault laga survivors khan toh ulta he kotha huni thakey awaz utha nimitey.
Add Comment