July 28, 2023 : Renchen Women Welfare Society (RWWS) para ekta one-day seminar organize kurishey, Traditional weaving opor tey, college aru Higher secondary chukri students khan nimitey, Lotha Hoho Ki tey, 28th July, 2023 tey. Itu seminar toh hoiley “traditional weaving: Recollect, Revive, Pass on”, laga theme tey loishey koi asey, Lotha Hohol aga Chairman – Er. Mhondamo Ovung logotey, special guest thaki kena. Former Lotha Eloe Hoho President Thungbeny Lotha aru R. Yilobeni Lotha, RWWS laga members, khan toh hoiley resource person thakishey itu din laga.
Itu first session laga homoi tey, Former President Lotha Eloe Hoho Thungbeny Lotha para itu topic “Reviving tradional weaving skills cultural identity nimitey aru posterity nimitey,” koishey. Tai para alag alag kisim laga art bhi highlight kurishey aru costumes khan kuntu khan toh hoiley moi khan laga ancestors khan para practice kuri thakishey aru itu khan laga importance khan chulaboley laga tey.
Itu Program toh hoiley RWWS laga Member Liboni Humtsoe para chairperson kurishey, aru RWWS laga President Dr. Abeni Lotha para welcome address janishey sob ke, Orenpuni Ezung para vote of thanks dishey.
Add Comment