New Delhi, India, 4 August : Record 6 par Asian Championships medallist Shiva Thapa, Tokyo Olympics bronze medallist Lovlina Borgohain aro 2 par World Champion Nikhat Zareen, taikhan sob itu saal September 23 para October 8 tak Hangzhou, China dey 19th Asian games dey Indian boxing squad karney khilibo.
World championship medal thakina aro 6 Asian Championship medal tai laga belt dey, Shiva toh tai laga first Asian games medal tai laga collection karoney luwoley bisaribo kitia tai tai desh karney 63.5 kg category dey represent kuribo.
Tokyo Olympics bronze medallist Lovlina toh 75 kg category dey khilibo kun laga CV dey 3 world championship medal aro Asian medals asey. Tai nijor laga CV decorate kuriboley Asian games medal jitiwoley takar diwo.
Kitia, Telangana laga Nikhat, kun aji kali hi history panaishey, desh para Khali 2nd mahila pugilist huishey aro tuita world championship gold medals jitishey. Tai international stage dey wi jitiwoley determined asey. Tai 2022 laga commonwealth games dey wi gold paishey aro 50kg category dey khilibo.
“Itu takot squad toh itu dangor event karoney bishi dukh paina prepare kurishey aro taikhan muikhan laga desh ke garv kuri diwo kuina mui iku doubt nai. India boxing dey bishi bhaal para khilina ahi asey aro elite laga maju dey jagah panaishey. Recent world championship dey muikhan laga boxers para alag bhaal performances dikhaishey, muikhan itu nishna Hangzhou dey wi dikhiwo pariwo kuina confident asey. BFI dey thakia sob many para team dey thakia sob manu ke all the best kui asey.” Kuishey Ajay Singh, Boxing Federation of India (BFI) laga president, media release dey.
Add Comment