Australia, 12 August : Etya fifa women’s World Cup hoi ase aro Sweden pra alak surprise dishe football fans teh Japan teh defeat kurina semi finals teh. Score toh 2-1 thakishe.
Final whistle hua time teh Japan la players khan toh bishi opsos thakishe aro sukupani Girina Mati teh bhui thakishe aro Sweden semi finals puncha karne khushi Manai thakishe.
Semifinal teh Sweden toh spin lor khiliwo. Spain toh aji Netherlands teh haraidishe.
Sweden aji Achanak jeeta toh etu saal la World Cup teh nutun champion dikhiwo. Japan toh etu saal la World Cup para out hoishe aro etu saal kun winner Howo first time nutun winner howo.
Amanda llestedt toh first half teh net la piche toh Paishe aro Filippa angeldal penalty turn kurishe second half teh.
Etu karne Sweden jitishe. Sweden toh semi finals teh punchiseh aro etu Sweden la fifth appearance ase Etya tournament teh.
Japan khan toh bishi Bhal para khilishe etu match la ageh teh. Tai khan 14 goals score kurishe 4-0 record thakishe. Hoilebi Sweden lor khila time Japan toh diktar pai thakishe kile mane Sweden la score to 2-0 thakishe 2nd half teh
Game la last phale Japan toh olop Bhal kuri thakishe Hoilebi pressure toh bishi thakishe Swedish goal keeper zecira musovic teh.
76 min teh Riko ueki Japan la player para penalty kick aim kurishe Hoilebi goal janai. 86 min teh honoyaki hayashi para goal marishe aro score toh 2-1 kurishe .
Swedish team tou runner up thakishe 2003 World Cup teh aro 3rd place three times ahishe aro Japan teh haraishe
Add Comment