Haraija atma ke somman dikina CM Himanta Biswa Sarma para tailaga parivar ke Rs 5 lakh laga cheque disey.
Chief Minister para MLA Phani Talukdar ke murija jawan Mitu Kalita laga ghor osor te Sankar Mandir aro Ananda Bazar ke connect kora Saudarvitha Govardhana laga majotey thaka rasta ke renovate kuribole nimitey jaruri kadam uthabole instruction disey.
CM Sarma tu Baksa jaga laga Anandabazar Hatkhola te etu murija jawan laga ghor te punghisey kotey tai para Mitu Kalita laga photo frame te phul dhalikina somman disey. Etu picheyte tai para etu murija Indian Army jawan laga parivar khan para pabole thaka ex-gratia ailan kurisey.
Mitu Kalita, aro Indian Army laga alag 23 jawan khan Sikkim te olop din agey te achanak para flood aha picheyte haraikina thakisey. Tailaga murikina thaka body tu Sunday phujur te paisey.
Etu picheyte tailaga deadbody ke tai thaka jagaAnandbazaar Hatkhola te pathaidisey kuntu toh Baksa district te asey. Reports hisap te Mitul laga apartment te taikey somman dibole nimitey bisi bhir jama hoisey.
Assam laga cabinet minister, Rajneet Kumar Dass para Assam laga sarkar laga side para Mitu laga ghor te jaikina taikey somman disey.
Mitu Kalita ke West Bengal laga Alipurduar jaga te posting disiley. Tailaga department para taikey Sikkim ke official kaam nimitey jabole koisiley. Hoilebi tai ghor wapas ahi thaka homoitey North Sikkim te achanak para dangor pani girikina flood aha homoitey haraijaisey.
Add Comment