Gandhi laga interaction itu students logot Jaipur laga Maharani College para, itu laga ekta video toh tai laga social media platforms dey release kurishey Tuesday dey. Itu khota bachi toh caste census aro freedom struggle dey mahila role para financial independence lagia laga aro tai posond kuria and nakuria laga candid queries tak jaishey.
“Apuni toh eman smart aro sawoley bhaal asey.. kiley apuni shaati laga phabna kuria nai?” Ekta mahila hudishey itu 53-saal former Congress president ke
“Kiley kuiley mui nijor laga kaam aro Congress party dey bishi vyast asey,” tai laga jawaab toh itu thakishey.
Tai laga mun posond khana laga hudina, Gandhi kuishey ki tai sob khushi pai, dita karela, matar aro palak laga alawa.
Tai laga mun posond destination, tai kuishey, “mui kutey bhi najaa jagah dey”.
“Mui notun jagah sawoley hotai khushi pai.”
Gandhi laga hisab dey, freedom struggle dey mahila laga role toh mota logot komti thakia nai toh kiley taikhan rights komti thakibo lagey.
September 23 laga interaction homoi, Gandhi ke yaad dilaishey ekta famous meme laga kutey tai kui “Khatam, tata, bye-bye”.
Kitiaba, tai jawaab dey, ekjun para enika cheez kuwo lagey. Tai aro tai laga team ke point kurishey, kuishey ki taikhan para taike pressure di asey taike itu interaction khotom kuriboley aro kuishey, “Khatam, tata, bye-bye”.
Kitia hutishey taike, tai politician nahuiley ki huwo, tai kuishey, “Mui bishi cheez asey. Mui teacher ekta ase. Mui jawaan khan ke sikhai…mui cook ekta asey. Itu karoney mui bishicheez asey.”
Add Comment