Regional

CorCom para Manipur te October 15 te 12 hour shutdown declare kurisey

October 11, 2023
Imphal, October 11 : Manipur te  6ta ban hoikina thaka under group laga ekta apex body  Coordination Committee (CorCom) para October 15 te Manipur te 6 am para suru kurikina 12 ghonta laga bandh rakhibole ailan kurisey. CorCom para October 15 ke National Black Day manabole asey.
CorCom publicity committee para ekta bayan te koisey ki Manipur laga rajneetik halat tu Indian Union’s annexation of Manipur logotey October 15, 1949 te decline hoijaisey. Etu para sovereign Manipur tu ekta Chief Commissioner laga province te reduce hoijaisey.
2023 te, India laga sarkar para Manipur te pupet Government aro taikhan laga henchmen ke cholaikina jati laga larayi suru kuridisey.
CorCom para Centre ke  Manipur ke India laga mainland te thaka manu khan laga mati te bodli kuridibole nimitey alag alag jati majotey khoon kharaba aro larayi jhagra olaidiya laga botnam di asey.
Manipur(Kangleipak) laga sob manu ke jagikina India laga sajish ke sabole koikina, etu apex underground group para sob jati laga group khan k ek dusra logotey milijulikina shanty para thakibole aro milikina development anibole aro India laga against te milikina war kuribole request kurisey.
Dawai, media aro dhormic ceremony nisna emergency aro jaruri service khan ke etu total lockdown para chutkara disey.
CorCom tu 6ta Valley te thaka atangwadi- the Kangleipak Communist Party (KCP), Kanglei Yawol Kanna Lup (KYKL), People’s Revolutionary Party of Kangleipak (PREPAK), taikhan laga under te thaka (PREPAK-Pro), Revolutionary People’s Front (RPF, kuntu People’s Liberation Army (PLA) aro United National Liberalism Front (UNLF) laga rajneetik wing asey.